Clair, a Tog ohne di is so leer
du waßt doch, daß i zu dir g’hör’
Geh renn doch net furt - und kumm wieder her

Clair, a Abend ohne di gibt nix her
a wann i mi so dageg’n wehr’
De Nacht is no lang, geh kumm wieder her, du

Clair, i waß, daß i manchmal so deppert woar
I bin nur a Mensch, doch jetzt is ma kloar:
Ganz ohne di - do hob i ka Energie
des is ka Zuastand für mi
und ollas was i tua fallt mir schwer, so schwer

Clair, was du mit mir mochst is net fair
weu ohne di g’freut mi nix mehr
paßt d’ eh auf di auf im Straßenverkehr, du

Clair, irgendwann kummst d’ wieder z’ruck zu mir
irgendwann stehst wieder vor der Tür
Unser Adress’ - i hoff’ du bist ma net bös’
kriagst um ‘en Hals, damit des
nie mehr passiert und dann is ‘s vorbei - vorbei

Clair, find’ überall Haar’ von dir, Clair
nur stör’n mi de heit nimmermehr
Die Wohnung is kalt, dei Plotz, der is is leer, du

Clair, i hob dir doch immer gnua z’ Fressen g’geb’n,
a Flohbandl ‘kauft, und a dei Fell war schön.
Bist in an Tierheim - oder fangst d’da a Maus -
und überhaupt muaß i sogn - i halt des
ohne di nimmer aus - kumm z’haus.