COWBOY
Musik und Text: Bernd Kronowetter (MAINSTREET)

Wann i vor'm Spiag'l in da Früh' a klanes bisserl mich bemüh',
dann bin ich eigentlich a ziemlich cooler Typ.
Ein wenig Forming-Gel und Creme, des ganze Klumpat vom DM
mocht mi modern und für mein Alter ziemlich hipp!

I kumm' so langsam in die Joahr', do wochs'n aus da Nos'n Hoar',
die i so noch und noch am Hinterkopf verlier'.
Doch sonst bin ich a toller Hecht, i find' nur ans net ganz gerecht:
daß des die Damen nie so seh'n, wia i des g'spia'.

I mecht' a Cowboy sei', so richtig wü'd und frei,
dem olle Damen für nur eine Nacht verfoi'n.
Es mocht mi ziemlich miad', daß des bei Frau'n net funktioniert,
weu s' immer heirat'n und Kinder von mir woi'n.

Mir is' do unlängst wos passiert, do hot a Frau mi int'ressiert,
i woar so froh, daß sie zu mir noch Haus' sich traut.
Doch grod im spannendsten Moment, do hot sie dankend abgelehnt
und g'sogt: „Ich hab' dich gleich von Anfang an durchschaut!  

Du wü'st a Cowboy sei', so richtig wü'd und frei,
wü'st di net binden, weu du brauchst hoet deinen Raum.
Doch leider spü'n s' des net, weu des bei mir net einegeht,
I wü' di heirat'n und Kinder von dir ha'm!“

Heit' bin i nur mehr auf da Flucht, weil man mich überall schon sucht,
geh' mit mein' best'n Freind nur hamlich auf a Bier.
Der is' hoet immer für mi do, darüber woar i oft scho' froh,
doch letzt'ns sogt er in an' wach'n Ton zu mir:

„Wü'st du mei Cowboy sein, I tat' mi scho sehr g'frei'n,
i hoff', i tua di jetzt net oi'zu sehr verwirr'n!
Doch i kann nix dafür, daß i für di hoet so vü' g'spia,
kumm loss uns heirat'n und Kinder adoptier'n.“  

I wü' ka Cowboy sei', do is' ma a net frei,
i bleib' daham, weu i mi nimmer ausse trau'!
Wia so des Leb'n spü't, bin i heit' schwer paranoid,
seit a poar Tog' schaut mi mei Hund so komisch au'!