PRÜLLER
(Thriller)
Deutscher Text: Bernd Kronowetter

In Monte Carlo, do is' die Nocht heite ganz besonders stü'!
Weu in Monaco is' große Spannung, weu morg'n is' Grand Prix.
Es schleicht a Schott'n durt bei Ferrari in da Box'ngoss'n!
Des is' verboten – do is' wer off'nsichtlich no net miad
und spioniert!

Es is' da Prüller, Prüller Heinz –
is' immer live dabei und desweg'n is' die Nora frei,
hearst sog', wos will er, Prüller Heinz,
er waaß jedes Detail, weu auf des steht er, des is' so geil!

Im Hotel Plaza, do steigt da Schumacher heite wieder o'.
Des ane waaß er: da Prüller is garantiert scho' wieder do.
-Is' wia a Klett'n! Er sauft durt an der Bar mi'n Niki Lauda.
Und in da Fett'n holt er die Hintergrundinformation
vom Ecclestone -

Der kennt den Prüller, Prüller Heinz!
Wann er ins Zimmer geht, liegt scho' da Prüller unter'm Bett,
weu nur da Prüller, Prüller Heinz,
der waaß jedes Detail, weu auf des steht er, des is' so geil!

Niemand waaß mehr, oes da Prüller, nur an's, des is' ungewiß:
Kana' waaß wirklich, ob ois, wos er sogt, richtig is',
oder a nur Kompromiß!

Wenn dann da Schnee is', do ha'm die Damen Alpinschihochsaison.
Und weu's so sche' is, sitzt wieder da Prüller hinter'm Mikrofon.
Do hot's wen g'schmiss'n! Da Heinz dazöh't no Hintergrundgeschicht'n.
Er hot's net k'niss'n und sogt: „Sie ist am besten Weg zu Gold!“
-doch sie liegt im Woed!

So mocht's da Prüller, Prüller Heinz,
a jeder Journalist muaß scho' gesteh'n, daß eam da Neid frißt,
Prüller, Prüller Heinz, er waaß jedes Detail, weu auf des steht a jeda',
a da Seger is voi Neid!

Prüller, Prüller Heinz, 's is' sicher, daß er föh't, wenn er 'moe wirklich in Pension geht!
Prüller, Prüller Heinz, weu kaner waaß so vü' und auf des steht a jeder.