WEU MI DES NET G'FREIT
(Nine To Five)
Deutscher Text: Marianne Schöftner

Eine flache Form mit Gurkenscheib'n ausleg'n,
Eier, Butter, Möh' in a große Schüss'l geb'n
und ois mi'n Mixer ria'n, bis daß es schäumt.

Zehn Minuten woart'n, dann soll i erst würz'n,
jetzt wird's ma z' bled, i wer' des Rezept ganz a'foch kürz'n,
indem i olles z'am in Of'n eineschmeiß'! 

Weu mi des net g'freit, I hob' ka Talent für's koch'n
und net wirklich Zeit für de bled'n Haushoetssoch'n.
Nur hob' I an Mann, der ma sogt, des muaß i moch'n.
I wer' no deppat und boed loß' i 's richtig kroch'n!

Es wird Zeit, i loß' mi net länger pflanz'n,
i brauch' a a Freid', werd' mein' Oed'n endlich stanz'n
und dann bin i frei fia a richtig schenes Leb'n,
i schwör's eich Leit, des werd' i nie mehr wieder hergeb'n!

Jetzt hear' i g'rod' de Tür', mei' Mann is einekumma,
i hob' g'schwind den Auflauf aus 'n Of'n ausseg'numma,
doch wia I hi'greif', g'spia I: oes is' koet!

I hob' ganz vergess'n, den Of'n einzuschoet'n,
i muaß mit mir sö'ber Krisensitzung hoet'n, do g'spia i,
des is der Tog zum geh'!

Weu 's mi net mehr g'freit, i hob' ka Talent für's koch'n
und i wü' mei' Zeit net verplempern für de Soch'n.
Und boed gibt's kan' Mann, der ma sogt des muaß i moch'n,
i war scho' deppat und jetzt loß' i 's richtig kroch'n!

Jetzt is' Zeit, i loß' mi net länger pflanz´n,
Boed hob' i mei' Freid', werd' mein' Oed'n endlich stanz'n
und glei' bin i frei fia a richtig schenes Leb'n,
i schwör's eich, Leit des werd' I nie mehr wieder hergeb'n!

Jetzt is' Zeit...